Qaraǵandy oblysynda qyzylsha juqtyrǵandar kóbeıdi
12:58, 22 Aqpan 2024
<p>ASTANA. KAZINFORM – QR Densaýlyq saqtaý vıtse-mınıstri – Bas memlekettik sanıtarııalyq dárigeri Aıjan Esmaǵambetova elimizde qyzylshanyń taralýy jaǵdaıyna qatysty túsinik berdi.</p>
«Qyzylsha aýrýy boıynsha jaǵdaı turaqtalyp keledi. Bıylǵy aqpan aıynda byltyrǵy jeltoqsan aıymen salystyrǵanda aýrýdyń taralýy 16 paıyzǵa tómendegenin kórip otyrmyz. Tek Qaraǵandy oblysynda ǵana qyzylshany juqtyrýda ósim bar», - dedi A.Esmaǵambetova Senatta tilshiler suraǵyna jaýap bere otyryp.
Onyń aıtýynsha, basqa aımaqtarda aýrýdyń taralýy kórsetkishi tómendep keledi nemese bir deńgeıde qalyp otyr.
Atap aıtqanda, byltyrdan beri elimizde qyzylsha aýrýynyń órshigeni baıqalyp otyr. Úkimettiń baǵalaýynsha, naýqastar sany keıingi 10 jylda bolmaǵan deńgeıge jetti.
Aqpan aıynyń basynda elordada eresekter arasynda qyzylsha órship turǵany aıtyldy.