Qaraǵandy oblysynda qylmyskerdiń qashýyna jol bergen QAJD qyzmetkerleri jazalandy

<p>Qaraǵandy oblysynda sottalǵan adamnyń medıtsına mekemesinen qashyp ketýine baılanysty is qaraldy. Atalǵan isti tergeý nátıjesinde óńirdiń Qylmystyq-atqarý júıesi departamentiniń (QAJD) 9 qyzmetkeri jaýapqa tartyldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Qylmystyq-atqarý júıesi departamenti qyzmettik tekserý júrgizip, 1 qyzmetker ishki ister organdarynan jumystan ketti, taǵy 1 qyzmetker laýazymynanan tómendetildi. 4 qyzmetker qyzmetine tolyq sáıkes kelmeıdi dep tanylyp, 2 adamǵa sógis jarııalandy», - dep habarlady Qaraǵandy jáne Ulytaý oblystary boıynsha Qylmystyq-atqarý júıesi departamentiniń baspasóz qyzmeti.

Aıta keteıik, 18 maýsym kúni sottalǵan adam Qaraǵandy qalasynyń medıtsınalyq mekemesinen qashyp ketken bolatyn. Ony QAJD qyzmetkerleri kúzetý kerek edi. Alaıda sottalǵan ebin taýyp, qashyp ketken.

Jedel-izdestirý sharasynyń barysynda qashqyndy QAJD men óńirdiń jol polıtsııasy qyzmetkerleri birigip ustaǵan.

Sottalǵan QK 120 baby boıynsha (zorlaý) 10 jylǵa bas bostandyǵynan aıyrylǵan. Sot protsesi 2022 jyly Oral qalalyq sotynda ótti. Jazasyn óteý úshin ol Qaraǵandy oblysyndaǵy túrmelerdiń birine jetkizilgen.