Qaraǵandy oblysynda elýge jýyq jylqy sýǵa batyp ketti

<p>QARAǴANDY. KAZINFORM &mdash; Qaraǵandy oblysynda joǵalyp ketken 47 bas jylqy sýdyń astynan tabyldy, dep habarlaıdy Kazinform tilshisi.</p>

Qaraǵandy oblysynda jaıylymda júrgen 47 bas jylqy kólge batyp ketti.

— Qarqaraly aýdanynyń polıtsııasyna bir aýyldyń turǵyndary maldarynyń joǵalǵany týraly aryz jazdy. Joǵalǵan jylqylardy izdeýge polıtsııa qyzmetkerleri men jergilikti turǵyndardan quralǵan eriktiler jumyldyryldy. Shamamen 10 izdestirý toby qurylyp, olar aýmaqty kóliktermen jáne atpen aralady, — dep habarlady Qaraǵandy oblysynyń PD baspasóz qyzmeti.

Іzdeý sharalary Qarqaraly aýdany ǵana emes, oblystyń kórshiles aýdandary men Pavlodar oblysynyń Baıanaýyl aýdanyna da júrgizildi.

— Іzdeý jumystarynyń nátıjesinde kólderdiń birinen 47 jylqynyń óleksesi tabyldy. Janýarlardyń ıeleri óz maldaryn tanydy, — dep qosty polıtseıler.

Aldyn ala boljam boıynsha, túnde dalada jaıylyp júrgen bir úıir kól betine shyǵyp ketken. Muz aıtarlyqtaı qatpaýyna baılanysty janýarlar sýǵa qulap ketken.

Qaraǵandy oblysynyń polıtsııa departamenti aýyl sharýashylyǵy janýarlarynyń ıelerine maldy baqylaýda ustaýdyń mańyzdylyǵyn eske saldy. Maldyń ózdiginen jaıylýy qaıǵyly jaǵdaılarǵa ákelýi múmkin: janýarlar urlyqtyń, jol-kólik jáne basqa da oqıǵalardyń qurbany bolýy yqtımal.

Eske salsaq, Qaraǵandy oblysynda mal urlyǵynyń aldyn alý úshin 18 blok-beket ornatyldy. 

Polıtseıler 40 bas jylqy urlamaqshy bolǵan barymtashylardy ustady.