Qaraǵandy oblysynda eki qabatty úı opyrylyp, adamdar úıindi astynda qalyp qoıdy

<p>QARAǴANDY. KAZINFORM &mdash; Qaraǵandy oblysy Buqar jyraý aýdanynda jarylys bolyp, oǵan shydamaǵan turǵyn úı opyrylyp qaldy. Úıindi astynda áli de adamdar bar.&nbsp;</p>

30 qańtar túngi 00.07 shamasynda Buqar jyraý aýdany Botaqara kenti Áýezov kóshesindegi qosqabatty 12 páterli úıde jarylys bolǵany habarlanǵan.

Oblystyq tótenshe jaǵdaılar departamentiniń bastyǵy Murat Qatpanov aldyn ala boljam boıynsha turmystyq gaz ballony jarylǵan deıdi.

Keıinnen ekinshi qabat jartylaı opyrylǵan.

Órt shyqpaǵan.

«Opyrylǵan aýmaq anyqtalyp jatyr. Bizdiń boljam boıynsha, úıindi astynda adamdar bar. Jergilikti jerde shtab uıymdastyrylǵan. Oqıǵa ornynda 45 adam jáne 13 tehnıka jumys istep jatyr», — deıdi Murat Qatpanov.

Qazirgi ýaqytta úıindi astynan 6 adam shyǵarylyp, Botaqara kentiniń ortalyq aýrýhanasyna jetkizildi.

Basqa adamdardy izdeý jumysy jalǵasyp jatyr.