Qaraǵandy oblysynda boranda jolda qalyp qoıǵan 55 jolaýshysy bar avtobýs qutqaryldy

<p>Qaraǵandy oblysynda boran soǵyp turǵanyna eki táýlik boldy. Polıtseıler qutqarýshylarmen, eriktilermen jáne atqarýshy organdarmen birge boranda jolda qalyp qoıǵan adamdarǵa kómek kórsetip jatyr, dep habarlaıdy<a href="https://kaz.inform.kz/" target="_blank" rel="noopener"> Kazinform</a> Qaraǵandy oblystyq Polıtsııa departamentiniń <a href="https://www.instagram.com/reel/C1fJVlBtNAS/?igsh=MTNiMTBmYXNmZnBkZw%3D%3D" target="_blank" rel="noopener">baspasóz</a> qyzmetine silteme jasap.</p>

«Ókinishke qaraı otandastarymyz aýa raıyna baılanysty eskertýlerge qaramastan kórshiles óńirlerge qonaqqa barǵan, keıbiri jumystan kele jatty. Abaı aýdanynda «Qyzylorda-Pavldar» avtojolynyń 788-908 shaqyrymynda, Topar aýyly mańynan 55 jolaýshysy bar avtobýs jetkizildi. Jolaýshylar jergilikti meshitterge ornalastyrylyp, jyly jerde otyr, azyq-túlikpen qamtamasyz etildi»,-delingen habarlamada.

Qazirgi tańda polıtsııa qyzmetkerleri múmkindiginshe kólikterdi jaqyn mańdaǵy eldi mekenderge jetkizip jatyr.

Qaraǵandy oblysynyń turǵyndary men qonaqtaryna alys saparǵa shyǵýdan bas tartyp, eldi mekenderden alys ketpeýge shaqyramyz. Sondaı-aq aýa raıyna jáne kólikterdiń qozǵalysyna baılanysty eskertýlerdi nazarda ustaǵan abzal.

Kólik buzylyp, kómek qajet bolǵan jaǵdaıda 102 nómirine qońyraý shalyp, nemese ishki ister organdaryna jergilikti ókildikterine habarlasý kerek.