Qaraǵandy oblysynda bala saýdalaý faktisi boıynsha tergeý bastaldy

<p>ASTANA. KAZINFORM - Qaraǵandy oblysynda prokýratýra kámeletke tolmaǵan balany saýdalaý faktisi boıynsha sotqa deıingi tergeý bastaýǵa bastamashylyq jasady.</p>

Mektep jasyndaǵy bala «Otbasynyń tsıfrlyq kartasynda» mektepke barmaıtyn bala retinde tirkelgeni anyqtaldy.

Tekseris kórsetkendeı, qujattar boıynsha bala 2011 jyly Qaraǵandy qalasynyń oblystyq perınataldyq ortalyǵynda jańa týǵan náreste kezinde qaldyrylyp, keıin Osakarov aýdanyndaǵy «Pıonerskıı» balalar úıine tapsyrylǵan.

Prokýratýra bul aqparattyń shyndyqqa sáıkes kelmeıtinin, balanyń is júzinde joǵalyp ketkenin jáne onyń qaıda ekeni belgisiz ekenin anyqtady.

Osakarov aýdany prokýrorynyń nusqaýy boıynsha Qazaqstan Respýblıkasy Qylmystyq kodeksiniń 135-baby - kámeletke tolmaǵandardy saýdalaý faktisi boıynsha sotqa deıingi tergep-tekserý bastaldy.