Qaraǵandy oblysynda ArtSport jobasynyń qarjysy 1,3 mlrd teńgeden asady
Baǵdarlamanyń maqsaty — 4 jastan 18 jasqa deıingi balalardy úıirmeler men sektsııalarda tegin bilimmen qamtý. Eger 2021 jyly shyǵarmashylyq memlekettik tapsyrysqa 200 mln teńgeden astam qarjy bólinse, qazirgi qarjylandyrý 1,3 mlrd teńgeden asady.
Baǵdarlamaǵa suranys artyp keledi, sondyqtan bıyl bastapqy qarastyrylǵan somaǵa qosymsha qarajat bólindi. Bul jyl sońyna deıin 6720 vaýcherdi qamtamasyz etýge múmkindik beredi. Bul týraly shyǵarmashylyq stýdııa basshylarymen kezdesýde habarlandy.
— Biz «ArtSport» baǵdarlamasynyń qatysýshylarynyń ýaıymyn túsinemiz, biraq birneshe ret aıtylǵandaı: shyǵarmashylyq memlekettik tapsyrysqa qosymsha soma bólindi, sonyń arqasynda bala sany 800 adamǵa artty. Baǵdarlamaǵa suranysty eskere otyryp, kelesi jyly bıýdjet múmkindikterine baılanysty qarjylandyrý máselesi qaralatyn bolady, — dep túsindirdi Erkebulan Jumakenov.
Qaraǵandy oblysynda balalar «ArtSport"baǵdarlamasy boıynsha shyǵarmashylyqpen jáne sportpen tegin aınalysyp jatyr. 2021 jyly iske qosylǵannan beri oǵan bólingen qarjy jyl saıyn ósip keledi. Bıyl 3,6 mlrd teńge bólindi.
Oblysta memlekettik sporttyq tapsyrys sany ta kóbeıdi. Bıyl bul baǵytqa 2,3 mlrd teńgeni bólingen. Qazir 61 qyzmet kórsetýshi bar, sporttyń 23 túri boıynsha 206 sektsııa jumys isteıdi. Qamtylǵan 10,6 myńnan astam balanyń bir jarym myńǵa jýyǵy aýyldyq eldi mekennen.