Al sınoptıkter aldaǵy kúnderi aýa raıynyń salqyndaıtynyn eskertti.
Sársenbige qaraǵan túni Saraterek, Shabanbaı bı, Jetimshoqy jáne ózge eldi mekender aq ulpaǵa orandy. Aýyl turǵyndarynyń aıtýynsha, alǵashqy qar aıtarlyqtaı qolaısyzdyq ákelgen joq.
— Joldarda kóktaıǵaq bolǵan joq, kúndiz qar erip ketti. Tańerteń aýa temperatýrasy −5…−7 gradýs shamasynda bolsa, keshke qaraı qaıta jylyndy, — deıdi turǵyndar.
Áleýmettik jelilerde bireýler alǵashqy qarǵa qýanyp, qysqy kóńil kúıin bólisse, endi bireýler ázil-qaljyń aralastyryp kólikteriniń qysqy dóńgelegin aýystyratyn ýaqyt kelgenin jazyp jatyr.
«Qazgıdromet» mamandarynyń dereginshe, 1 qazanǵa qaraǵan túni aýa temperatýrasy −2 °C-qa deıin tómendese, kúndiz 5 °C-qa deıin kóterilgen. Aldaǵy kúnderi aýa raıy birtindep jylynady: 2 qazanda 6 °C bolyp, azdaǵan jańbyr jaýady. 3 qazanda 10 °C-qa deıin kóterilip, qysqa merzimdi jaýyn-shashyn kútiledi, negizinen jańbyr túrinde. Degenmen, sınoptıkterdiń boljamynsha, yzǵarly aýa raıy tek Qaraǵandy óńirimen shektelmeıdi. Qazaqstannyń soltústik, shyǵys jáne taýly aımaqtarynda túnde −3 °C-qa deıin úsik júrýi yqtımal.
Osyǵan deıin Qazaqstannyń birqatar óńirinde qar jaýyp, kóktaıǵaq bolatyny jaıly habarlanǵan edi.