Qaraǵandy oblysynda 12 myń gektardan astam paıdalanylmaǵan jer memleket menshigine qaıtaryldy

<p>QARAǴANDY. KAZINFORM - Qaraǵandy oblysynyń Buqar Jyraý aýdanynda uzaq ýaqyt boıy jalpy aýdany 12 049 ga bolatyn 15 jer ýchaskesi paıdalanylmaı kelgen, dep habarlaıdy Qaraǵandy oblysynyń ákimdigi.</p>

Ákimdiktiń baspasóz qyzmetiniń habarlaýynsha, QR Jer kodeksiniń 92-babyna sáıkes, vedomstvo kompanııaǵa QR Jer zańnamasynyń talaptaryn buzýshylyqtardy bir jyl merzimde joıý týraly nusqama bergen.

Nusqamanyń oryndalmaýyna baılanysty sotqa ýchaskelerdi májbúrlep alyp qoıý týraly talap qoıyldy. Qaraǵandy oblysynyń Mamandandyrylǵan aýdanaralyq ekonomıkalyq sotynyń 2024 jylǵy 3 shildedegi sheshimimen departamenttiń talap aryzy qanaǵattandyryldy. Sot sheshimi zańdy kúshine endi.