Qaraǵandy oblysynda 1 myń shaqyrymnan astam jol jóndeldi

<p>ASTANA. KAZINFORM — Negizgi jobalardyń qatarynda «Qaraǵandy — Balqash» avtojolyn qaıta jańartý bar. Búgingi tańda asfalttyń joǵarǵy qabatyn tóseý aıaqtaldy. Bul týraly ortalyq kommýnıkatsııalar alańynda ótken baspasóz konferentsııasynda Qaraǵandy oblysynyń ákimi Ermaǵanbet Bólekpaev aıtty. </p>

Ákimniń sózine sensek, «Qaraǵandy-Qarqaraly» avtojolynyń 115 shaqyrymyna ortasha jóndeý jumystary júrgizilgen. Qalǵan 85 km kelesi jyly aıaqtalady.

Kelesi jyly «Qaraǵandy-Jezqazǵan» respýblıkalyq jolyn qaıta jańartý josparlanǵan. Jergilikti mańyzy bar 570 km avtojol jóndeldi.

«Qaraǵandy áýejaıyn qýaty jylyna 50 myń tonna júk tasymaldaıtyn júk termınalyna aınaldyra otyryp, jańǵyrtý josparlary mańyzdy bolyp tabylady. Keleshekte Qytaı-Eýropa-Qytaı baǵyty boıynsha áýe kemeleriniń tehnıkalyq qonýyn arttyrý josparlanyp otyr», — dep atap ótti Qaraǵandy oblysynyń ákimi Ermaǵanbet Bólekpaev.