Qaraǵandy oblysy boıynsha ónerkásiptik qaýipsizdik departamentine jańa basshy keldi

<p>QARAǴANDY. KAZINFORM — Sergeı Mıhaılovıch Bragın Tótenshe jaǵdaılar mınıstrligi ónerkásiptik qaýipsizdik komıtetiniń Qaraǵandy oblysy boıynsha departamentiniń basshysy bolyp taǵaıyndaldy.</p>

Sergeı Bragın Máskeý memlekettik ashyq ýnıversıtetiniń taý-ken fakýltetin «Gaıdaly qazbalar ken oryndaryn jerasty ıgerý» mamandyǵy boıynsha bitirgen.

Ár jyldary «Qaraǵandykómir» birlestiginde («Stepnaıa» shahtasy) elektroslesar, taý-ken sheberi, mehanık, jeldetý ýchaskesi jáne TB bastyǵynyń orynbasary bolyp jumys istedi.

QazKSR Memlekettik tehnıkalyq baqylaý Qaraǵandy okrýginiń basqarmasynda ýchaskelik taý-ken ınspektory, Shahtınsk taý-ken ınspektsııasy bastyǵynyń orynbasary boldy.

1998 jyldan 2022 jylǵa deıin — QR IDM ónerkásiptik qaýipsizdik komıtetiniń Qaraǵandy oblysy boıynsha departamenti № 4 kómir ónerkásibindegi memlekettik qadaǵalaý bóliminiń bas mamany.

2022 jyldyń tamyz aıynan bastap osy taǵaıyndaýǵa deıin QR Tótenshe jaǵdaılar mınıstrligi ónerkásiptik qaýipsizdik komıtetiniń Qaraǵandy oblysy boıynsha departamentiniń № 4 kómir ónerkásibindegi memlekettik qadaǵalaý jáne baqylaý bólimin basqardy.