Qaraǵandy oblysy Bilim basqarmasynyń basshysy qyzmetinen ketti

<p>Qaraǵandy oblysy Bilim basqarmasynyń basshysy Gúlsim Qojahmetova qyzmetinen ketti. Ol jaıly óńirdiń bas pedagogy&nbsp;<a href="https://m.facebook.com/story.php?story_fbid=pfbid0Jjzn4VM8cbmYif2eWjab1JMNL53qFhcnJCWBPRpmaf1A2m27YqdakH7UemLxFeszl&amp;id=100006443137503&amp;mibextid=cr9u03" target="_blank" rel="noopener">Facebook-tegi paraqshasynda</a>&nbsp;jazdy, dep habarlaıdy Kazinform.</p>

Gúlsim Shabdanqyzy bilim salasynda 35 jyldan astam ýaqyt qyzmet etken. Qaraǵandy oblysynyń Bilim basqarmasyna basshy bolyp 2020 jyly keldi. Qyzmetinen ketýin otbasyna kóńil bólýdi sheshkenimen túsindirgen.

“10 jyldaı memlekettik qyzmette, 35 jyldan astam bilim berý salasynda qyzmet atqardym. Aǵa pıoner vojatyıdan oblystyq Bilim basqarmasynyń basshysyna deıingi eńbek jolynan óttim. Osy ýaqyt ishinde úlken tájirıbe men qundy bilim aldym. Kóptegen tamasha adamdardy, óz salasynyń kásibı mamandaryn kezdestirdim. Mektep oqýshylarynyń birneshe býynynyń qalyptasýyna atsalystym. (...)

Úzilis jasap, otbasym men jaqyndaryma kóbirek ýaqyt bóletin sát keldi. Balalarymyzdyń jetistikterimen maqtanyp, nemerelerimizdi ósirýge kómektesetin ýaqyt.

Sondyqtan men Qaraǵandy ​​oblysynyń Bilim basqarmasynyń basshysy qyzmetinen ketýdi jón kórdim. Bilim salasyndaǵy áriptesterime shydamdylyq, kúsh-qýat jáne qıyn, biraq ıgi isimizde tabys tileımin!”, – dep jazdy G.Qojahmetova.

Ázirge Bilim basqarmasyna kim basshylyq etetini belgisiz.