Qaraǵandy men Pavlodardaǵy órt: turǵyndardy jalǵan aqparatqa senbeýge shaqyrdy

<p>QARAǴANDY. KAZINFORM - Qazaqstannyń eki oblysynda &ndash; Qaraǵandy ​​men Pavlodarda órt sóndirilip jatyr. Terekti aýylynda jedel shtab qurylyp, Qarqaraly aýdany men Qaraǵandy ​​oblysynyń ákimderi oqıǵa ornynda júr.</p>

Shtab jumysyna 386 adam tartyldy. Tótenshe jaǵdaılar mınıstrligi, TJD jáne basqa da departamentter men qyzmet qyzmetkerleri, 64 birlik tehnıka, Tótenshe jaǵdaılar mınıstrligi men Qorǵanys mınıstrliginiń tikushaǵy jumyldyrylǵan.

Osy rette Qarqaraly aýdanynyń ákimi Ádiljan Arǵynov qazir áleýmettik jelilerde túrli kómek uıymdastyryp jatqandar týraly eskertti.

«Qazir áleýmettik jelide qarjy jınaý, kómek kórsetý boıynsha aqparat taratylyp jatyr. Jaýapty adamdarsyz uıymdastyrǵan kómek durys emes ekenin eskertkim keledi. Qazirgi ýaqytta kúsh-quraldar jetkilikti. Sarbazdardyń tamaǵy, demalatyn oryndary, janar-jaǵarmaımen tolyq qamtamasyz etilgen», - dedi Qaraǵandy ​​oblysy Qarqaraly aýdanynyń ákimi Ádiljan Arǵynov Instagram paraqshasynda.

Aıta keteıik, Tótenshe jaǵdaılar mınıstrliginiń baspasóz qyzmeti Qaraǵandy oblysynda tutanǵan dala órtine baılanysty tyń málimetterdi jarııalady.