Qaraǵandy memkiris basqarmasy ońdy-soldy zańsyz salyq salyp, turǵyndardyń quqyǵyn buzǵan

<p>QARAǴANDY. KAZINFORM - Qaraǵandy qalasynyń Qazybek bı aýdanynyń prokýratýrasy aýdan boıynsha memlekettik kirister basqarmasynda tekserý ótkizý aıasynda salyq tóleýshilerdiń quqyǵy buzylǵanyn anyqtady.&nbsp;</p>

Salyq kodeksiniń 128-babyna sáıkes salyq organy dara kásipker bolyp tabylmaıtyn jeke tulǵa, jeke praktıkamen aınalysatyn tulǵa 1 AEK-ten astam salyq bereshegin tólemegen nemese tolyq tólemegen jaǵdaıda bereshekti óndirip alý týraly salyqtyq buıryq shyǵarady.

Alaıda, salyq organy jeke kásipkerlik sýbektilerine de osyndaı buıryq shyǵarǵan, bul olardyń jumysyn toqtatyp, quqyǵyn shektegen.

Prokýrorlyq qadaǵalaý aktisi boıynsha jalpy somasy 4 444 641 teńge bolatyn 126 salyq buıryǵynyń kúshi joıyldy.

Keıinnen jeke sot oryndaýshylary shekteý sharalaryn alyp tastady.

Salyq kodeksiniń 114-babynyń 3-tarmaǵynyń 5-tarmaqshasyna sáıkes habarlamada, zańda belgilengen jaǵdaılarda, salyq mindettemesiniń somasy jáne (nemese) áleýmettik tólemderdi esepteý, ustaý jáne aýdarý jónindegi mindetteme kórsetilýi tıis.

Joǵaryda atalǵan zań talabyna qaramastan, aýdannyń memlekettik kirister basqarmasy 0 teńge somasy kórsetilgen habarlama jibergen.

Prokýrorlyq den qoıý sharalary arqyly kásipkerlik sýbektilerine qatysty 675 habarlama keri qaıtaryp alyndy.

Qol qoıýǵa ýákiletti emes tulǵanyń tsıfrlyq qoltańbasy bar 23 habarlama joıyldy.

127 jeke kásipkerlik sýbektisin zańsyz ákimshilik jaýapkershilikke tartý faktileri anyqtaldy.

Múgedek balasy bar 63 ata-anaǵa jalpy somasy 583 658 teńge zańsyz eseptelip, múgedek bala men olardyń ókilderiniń konstıtýtsııalyq quqyǵy buzylǵan. 

Artyq tólengen somany qaıtarý sharalary qabyldandy.