JEO-da apat: Qaraǵandy qalasy jaryqsyz qaldy

<p>Qaraǵandy turǵyndarynyń basym bóligi jaryqsyz qaldy. Jergilikti bılik tótenshe jaǵdaıdy joıýmen aınalysyp jatyr, dep habarlaıdy <a href="https://kaz.inform.kz/" target="_blank" rel="noopener">QazAqparat.</a></p>

Qazirgi ýaqytta qansha abonent energııadan ajyrap qalǵany belgisiz. Sebebi anyqtalyp jatyr.

«Qorǵanys tetiginiń iske qosylýynan JEO-3-te tehnologııalyq aqaý týyndady, saldarynan 220 kV-tyq Ashyq taratý qurylǵysy toqtap qaldy. Sebebi men mán-jaǵdaı anyqtalyp jatyr, sondaı-aq jaryqsyz qalǵan abonentter sany da naqtylanýda», - dedi qala ákimdiginiń baspasóz qyzmetinde.

Keshegi nóser jaýynnyń tótenshe jaǵdaıǵa qatysy bar-joǵy ázirge belgisiz. Eske salsaq, Qaraǵandynyń birneshe kóshesi sý astynda qalǵan bolatyn.