Qaraǵandy – Almaty tasjolyndaǵy jol apatynan 7 adam kóz jumdy

<p>QARAǴANDY. KAZINFORM &ndash; Búgin&nbsp; saǵat 10:00 shamasynda respýblıkalyq mańyzy bar &laquo;Astana &ndash; Qaraǵandy &ndash; Almaty&raquo; avtomobıl jolynyń 1510 shaqyrymynda (&laquo;Qaraǵandy-Balqash&raquo; ýchaskesi, Jumabek aýylynyń mańy) qaıǵyly jol-kólik oqıǵasy boldy. Jol apatynan 7 adam mert boldy.&nbsp;</p>

Málim bolǵandaı, Toyota Alphard markaly avtokólik júrgizýshisi Almatydan Qaraǵandyǵa qaraı qozǵalyp kele jatyp, joldan shyǵyp ketip, kólik jol jıegine aýdarylǵan. 

«Apat saldarynan júrgizýshi men 6 jolaýshy, onyń ishinde eki bala oqıǵa ornynda kóz jumdy. 12 jastaǵy jolaýshy medıtsınalyq mekemege jetkizildi. Atalǵan fakti boıynsha qylmystyq is qozǵaldy», — delingen Qaraǵandy oblystyq PD habarlamasynda. 

«QazAvtoJol» ulttyq kompanııasy tekseristen keıin jol apaty týraly pikir bildirdi. 

«Tekseris barysynda joldyń ýchaskesi normatıvtik talaptarǵa saı ekeni anyqtaldy. I-b tehnıkalyq sanattaǵy joldyń ár baǵytynda eki qozǵalys jolaǵy bar, joldyń ortasynda qorshaý ornatylǵan. Jol jabyndysy tegis, asfaltbetonnan jasalǵan. Osy ýchaskede kóriný deńgeıi shektelmegen, júris bóligi taza bolǵan. Jol belgileri men qozǵalysty uıymdastyrý ákimshilik polıtsııa basqarmasymen kelisilgen. Oqıǵa kezinde aýa raıy bultty, qar túrindegi azdaǵan jaýyn-shashyn bolǵan», — delingen kompanııa habarlamasynda. 

Eske sala keteıik, buǵan deıin bıyl 22 myń jol apaty tirkelip, 2 myń adam qaza bolǵanyn jazǵan bolatynbyz.