Qarabalyq injýi: Qazaqstandyq ǵalymdar jońyshqanyń jańa túrin usyndy

<p>Qarabalyq aýylsharýashylyq tájirıbe stantsııasynyń selektsıonerleri "Qarabalyq injýi" atty jońyshqanyń jańa túrin usyndy.</p>

Kópjyldyq zertteýlerdiń nátıjesinde shyǵarylǵan gıbrıdti jańa sorttyń sapasyn mamandar joǵary baǵalady.

Aldaǵy ýaqytta sharýa qojalyq ıeleri jońyshqanyń jańa túrin qoldaný arqyly aýa raıynyń qolaısyzdyǵyna qaramaı mol ónim alýyna múmkindik paıda boldy.

Ǵalymdar jońyshqanyń bul túrin «Slavıan» jáne «Qarabalyq 18» sorttaryn býdandastyrý arqyly shyǵardy. Ósimdik ortasha maýsymdyq sanatqa jatady.

«Gúldený bastalǵanǵa deıingi vegetatsııalyq kezeń nebári 64 kúndi quraıdy, al tuqymnyń tolyq jetilýine shamamen 107 kún qajet. 1 gektar jerden 191 tsentnerge deıin jasyl massa, 69 tsentner shóp jáne 2,3 tsentner tuqym alýǵa bolady. 

Qarabalyq injýi aıazǵa jáne qurǵaqshylyqqa beıimdelgen», — deıdi ǵalymdar.

Sondaı-aq, túrli aýrýlarmen zııankestkerge de tózimdi. Ǵylymı zertteýler kórsetkendeı jońyshqanyń bul túri kóktem mezgilinde erte óse bastaıdy. Osynyń arqasynda sharýa qojalyqtar qazirdiń ózinde úlken qyzyǵýshylyq bildirip otyr.