Qarabaqtaǵy shıelenis: Ázerbaıjan men Armenııa ókilderiniń kelissózi aıaqtaldy

<p><span style="font-family: sans-serif; font-size: 18px;">Búgin Ázerbaıjan Respýblıkasy prezıdentiniń shaqyrýymen Evlah qalasynda Qarabaqtaǵy armıan turǵyndarymen baılanysqa jaýapty Ramın Mamedov Qarabaqtaǵy armıan turǵyndarynyń ókilderi Sergeı Martırosıan jáne Davıd Melkýmıanmen kezdesti.&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat</a><span style="font-family: sans-serif; font-size: 18px;">&nbsp;bul týraly </span><a style="padding: 0px; margin: 0px; font-size: 18px; font-family: sans-serif;" href="https://azertag.az/ru/xeber/zayavlenie_administracii_prezidenta_azerbaidzhanskoi_respubliki-2757352" target="_blank" rel="noopener">AZERTADJ-qa</a><span style="font-family: sans-serif; font-size: 18px;">&nbsp;silteme jasap habarlaıdy.</span></p>

Málim etilgendeı, kezdesý syndarly jáne pozıtıvti sıpatta ótken.

Ázerbaıjan ókili R. Mamedov qatysýshylardy Qarabaqtaǵy armıan halqyn reıntegratsııalaý, ınfraqurylymdy qalpyna keltirý jáne Ázerbaıjan Respýblıkasynyń Konstıtýtsııasy men zańdary negizinde is-sharalardy uıymdastyrý josparymen tanystyrǵan.

Sondaı-aq Ázerbaıjan Qorǵanys mınıstrliginiń terrorızmge qarsy sharalardy toqtatý týraly 20 qyrkúıektegi málimdemesinde kórsetilgen máselelerdi tez arada júzege asyrýdyń mańyzdylyǵy atap ótilgen.

Óz kezeginde Qarabaqtaǵy armıan turǵyndarynyń ókilderi óńirde janar-janarmaı tapshylyǵy bar ekenin jetkizgen. Sonymen qatar olar azyq-túlik túrindegi gýmanıtarlyq kómek surady.

«Kezdesý qorytyndysy boıynsha olardyń ótinishi oń qabyldandy. Atap aıtqanda, jaqyn arada balabaqshalar men mektepterdi jylý júıelerimen qamtamasyz etý, sondaı-aq jedel medıtsınalyq kómek pen órtke qarsy qyzmetterdi otynmen qamtamasyz etý jáne gýmanıtarlyq qoldaý kórsetý josparlanyp otyr», - delingen agenttik aqparatynda.

«QazAqparat» HAA menshikti tilshisiniń jazýynsha, kezdesý eki saǵattan astam ýaqytqa jalǵasty.

Armıan tarapy kelissóz nátıjesi boıynsha Bakýmen eshbir túpkilikti sheshim qabyldanbaǵanyn, máseleler boıynsha kelisim qajet etiletinin málimdegen.

Taraptar aldaǵy ýaqytta kezekti kezdesý ótkizýge kelisti.

Búgin eki el taraptary Ázerbaıjandaǵy Evlah qalasynda kezdesý ótkizip jatqanyn buǵan deıin jazǵan bolatynbyz.