Qara teńizde Grekııanyń týymen júrgen tankerden munaı tógildi

NUR-SULTAN. QazAqparat – Qara teńizde Minerva Symphony tankerinen munaı tógildi. Oqıǵa 7 tamyzda Reseıdiń Krasnodar ólkesinde «Kaspıı qubyr konsortsıýmy» termınalynda munaı tıeý kezinde bolǵan, dep habarlaıdy QazAqparat RBK-ǵa silteme jasap.

Munaı quıatyn qurylǵysy bar termınal Ońtústik Ozereevka kentindegi aılaqtyń mańynda, jaǵadan 600 metr jerde ornalasqan. Shyǵyn kólemi týraly aqparat joq. Akvatorııanyń lastaný aýdany – 200 sharshy metr.

Minerva Symphony tankeri Pıreı portyna tıesili jáne Grekııanyń týymen júredi.

Reseıdiń teńiz jáne ózen kóligi agenttiginiń málimdeýinshe, munaıdyń jaǵalaý aımaǵynan tys jerge – odan shamaman 6 shaqyrym jerge tógilgen. Qazirgi kezde munaı tógilgen mańǵa júzetin bógetter qoıyldy.

Kaspıı qubyr konsortsıýmy lastanǵan jerdi ózi tazalamaq. Atap aıtqanda, jedel shtab qurylyp, apattyq-qutqarý bólimshelerin jumyldyrylǵan.