Qara oramal jamylyp júrý qazaqqa jat - Nazarbaev

  ASTANA. QazAqparat - Búgin Qazaqstan halqy Assambleıasynyń XXV sessııasyn ashqan  Memleket basshysy Nursultan Nazarbaev memlekettiń damýyna kedergi jasaıtyn máseleler tóńireginde oı órbitti, dep habarlaıdy QazAqparat tilshisi.

«Bizdiń damýymyzdy qandaı nárse tejeıdi? Birinshiden, artqa qarap, alǵa qaraı júrýge bolmaıdy. Olaı kez kelgen tasqa súrinip, basty jaryp alýǵa bolady. Solaı emes pe? Bul degenimiz, zaman talabyna saı kelmeıtin nárseden bas tartý qajet. Bizdiń sanamyzda bar taptaýryn túsinikterden de arylý mańyzdy.  Máselen, qazir arab elderin alyp qaraıyqshy, halyqty orta ǵasyrǵa tartqannan ne paıda? Sol sebepti men jastarǵa ylǵı aıtamyn, keritartpalyq jasamaý qajet. Qara oramaldy jamylýdyń qajeti joq. Ol - qazaqqa jat nárse. Osy ispetti atrıbýttardy myna jerge ákelmeý kerek. Áıtpese, memlekettiń damýyna kedergi jasaımyz», - dedi Nazarbaev.

Prezıdenttiń aıtýynsha, Qazaqstan halqy Assambleıasynyń úlgisinde ózara tatýlyq pen túsinistik ıdeıasyn keńinen nasıhattaý qajet. Osylaısha, halyqtyń birligin kúsheıtip, alǵa qaraı qadam basqan mańyzdy.

Aıta keteıik, óz sózinde Memleket basshysy Nursultan Nazarbaev Assambleıa múshelerine bir syryn aıtyp berdi.