Qar, jańbyr, kóktaıǵaq: 17 óńirde eskertý jarııalandy

<p>&laquo;Qazgıdromet&raquo; RMK 23 qazanda kún raıynyń buzylýyna baılanysty birqatar óńirde eskertý jarııalady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

Atap aıtqanda, Astana qalasynda túnde jáne tańerteń jaýyn-shashyn (jańbyr sońy qarǵa ulasady), kóktaıǵaq kútiledi. Soltústik-batystan soǵatyn jel ońtústik-batysqa aýysyp, túnde ekpini 15-20 m/s quraıdy.

Túnde jáne tańerteń Batys Qazaqstan oblysynyń soltústigi men shyǵysynda tuman boljanady.

Kúndiz Jetisý oblysynyń taýly aýdandarynda qatty jańbyr jaýyp, taýly aýdandarda tuman kútiledi. Ońtústik-batystan soǵatyn jeldiń ekpini oblystyń ortalyǵynda, batysy men shyǵysynda 15-20 m/s quraıdy.

Kúndiz Almaty oblysynyń ońtústiginde keı ýaqytta qatty jańbyr jaýyp, taýly aýdandarda jańbyr men qar jaýyn-shashyn bolady. Túnde jáne tańerteń oblystyń taýly aýdandarda keı ýaqytta tuman kútiledi. Batystan jel soǵady, oblystyń ońtústigi men taýly aýdandarynda ekpini 17-22 m/s jetedi.

Túnde jáne tańerteń Atyraý oblysynyń batysy men ońtústiginde tuman boljanady.

Túnde jáne tańerteń Aqmola oblysynyń ońtústiginde, soltústigi men shyǵysynda jaýyn-shashyn (jańbyrdyń sońy qarǵa ulasady) kútiledi. Óńirdiń ońtústiginde, soltústigi men shyǵysynda tuman, kóktaıǵaq boljanady. Soltústik-batystan soǵatyn jel ońtústik-batysqa aýysyp, túnde ekpini 15-20 m/s, oblystyń soltústigi men shyǵysynda keı ýaqytta 23 m/s kúsheıedi.

Manǵystaý oblysynyń soltústigi men shyǵysyn tuman basady.

Qaraǵandy oblysynyń soltústigi men shyǵysynda tuman, kóktaıǵaq kútiledi. Batystan, soltústik-batystan jel soǵyp, túnde kúshi 15-20, keı ýaqytta 25 m/s quraıdy.

Túnde Ulytaý oblysynda tuman, kóktaıǵaq kútiledi. Soltústik-batystan jel soǵady, túnde kúshi 15-20 m/s quraıdy.

Túnde jáne tańerteń Aqtóbe oblysynyń batysy men soltústiginde tuman boljanady.

Abaı oblysynda ońtústik-batystan soǵatyn jel soltústik-batysqa aýysyp, kúshi 15-20 m/s, oblystyń soltústiginde, batysy men ortalyǵynda ekpini 23-28 m/s artady.

Túnde Pavlodar oblysynda jaýyn-shashyn jaýady. Kúndiz óńirdiń soltústik jartysynda azdaǵan jaýyn-shashyn (jańbyr, qar) baıqalady. Oblystyń basym bólginde kóktaıǵaq kútiledi. Ońtústik-batystan, batystan jel soǵyp, ekpini 23-28 m/s jetedi.

Qostanaı oblysynyń batysy men soltústiginde tuman kútiledi. Soltústik-batystan soǵatyn jel ońtústik-batysqa aýysyp, kúshi 9-14, oblystyń soltústiginde, shyǵysynda 15-20 m/s quraıdy.

Shyǵys Qazaqstan oblysynyń shyǵysynda qatty jaýyn-shashyn (jańbyr, qar), kóktaıǵaq kútiledi. Ońtústik-batystan soǵatyn jel soltústik-batysqa aýysyp, ekpini 23-28 m/s jetedi.

Túnde Soltústik Qazaqstan oblysynyń soltústigi men shyǵysynda jaýyn-shashyn (jańbyrdyń sońy qarǵa ulasady) jaýady. Óńirdiń soltústigi men shyǵysynda kóktaıǵaq kútiledi. Soltústik-batystan soǵatyn jel ońtústik-batysqa aýysyp, ekpini 23-28 m/s artýy yqtımal.

Túnde jáne tańerteń Túrkistan oblysynyń taýly aýdandarynda qatty jańbyr kútiledi. Soltústik-batystan jel soǵady, oblystyń ońtústiginde, batysynda, taýly jáne taý bókterli aýdandarynda kúshi 23 m/s jetýi múmkin.

Shymkent qalasynda soltústik-batystan jel soǵady, ekpini keı ýaqytta 23 m/s kúsheıedi.

Eske salaıyq, búgin SQO-da alǵashqy qar jaýǵan bolatyn. 

Sondaı-aq QazAvtoJol kún raıynyń buzylýyna baılanysty respýblıkalyq mańyzy bar joldarda qozǵalysqa shekteý engizgen bolatyn.

Atap aıtqanda, Aqmola oblysynda saǵat 20.30-dan bastap «Kókshetaý – Atbasar» trassasynda kóliktiń barlyq túrine qozǵalysqa tyıym salyndy.

Sondaı-aq saǵat 22.00-den «Astana – Kókshetaý» avtojolynda («Astana – Şýchınsk – Kókshetaý») shekteý engizý josparlanyp otyr.