Aqtóbe oblysynda aýa raıy kúrt ózgerdi. Erteń de Áıteke bı, Yrǵyz, Muǵaljar, Temir aýdandarynda qar aralas jańbyr jaýýy yqtımal. Aýa temperatýrasy túnde -1 2 °S, kúndiz 9 14 °S bolady.
— Aqtóbe qalasynda aýa raıy kóshpeli bultty, jaýyn-shashynsyz bolady. Soltústik-shyǵystan jel soǵady. Jerdiń ekpini 9-14, keı jerlerde sekýndyna 15-20 metrge jetedi. Aýa temperatýrasy túnde 1 2 °S, kúndiz 10 12 °S jyly bolady. Aqtóbe oblysynda jel soltústik-shyǵystan soǵady. Kúshi sekýndyna 9-14 metrge, al óńirdiń ońtústiginde, shyǵysynda keı ýaqyttarda 23-28 metrge jetedi, — dep habarlady «Qazgıdromet» RMK Aqtóbe oblysy boıynsha fılıaly.
Qazirgi kezde qatty jeldiń saldarynan Aqtóbe qalasynyń ortalyǵynda tý ýaqytsha túsirildi. Qala ákimi baspasóz qyzmetiniń habarlaýynsha, tý jel basylǵan soń ǵana qaıta ilinedi.
Buǵan deıin habarlaǵanymyzdaı, «Qazgıdromet» RMK sınoptıkteri 2026 jylǵy 14–16 sáýirge arnalǵan Qazaqstan boıynsha aýa raıy boljamyn jarııa etti. Boljamǵa sáıkes, aldaǵy kúnderi Qazaqstannyń basym bóliginde bultty jáne jaýyn-shashyndy aýa raıy kútiledi.