Qar qursaýynda jazǵy dızeldi paıdalanatyn júrgizýshiler jıi qalady – TJM

<p>ASTANA. KAZINFORM &ndash; Tótenshe jaǵdaılar mınıstrligi aýa raıy týraly eskertýlerdi elemeıtin kólik júrgizýshilerine úndeý jasady.&nbsp;</p>

«Aýa raıy boljamy boıynsha monıtorıng turaqty júrgizilip turady. Soǵan oraı joldardaǵy avtokólik qozǵalysyna qatysty tıisti sharalar qabyldanyp jatyr. Qar úıindileri kóbine Abaı, Aqmola, Aqtóbe, Shyǵys Qazaqstan, Jambyl, Qaraǵandy, Qostanaı, Pavlodar jáne Soltústik Qazaqstan oblysy aýmaǵynda avtokólikter qozǵalysyna kedergi keltirýde. Ótken jyldardaǵy tájirıbe kórsetkendeı, jazǵy dızeldi paıdalanatyn júrgizýshiler negizinen qar qursaýynda qalady», - dedi Tótenshe jaǵdaılar mınıstrligi Tótenshe jaǵdaılardy joıý departamenti bastyǵynyń orynbasary Jomart Asqarov OKQ-de ótken brıfıngide.

Onyń aıtýynsha, tótenshe jaǵdaılar mamandary polıtseılermen birlesip qar qursaýynda qalǵan 94 avtokólikti alyp shyǵyp, jol siltedi. Sondaı-aq spıker keıbir kólik júrgizýshileriniń daýyl, boran týraly eskertýdi elemeı jolǵa shyǵatynyn tilge tıek etti.