Qar qursaýynda qalǵan jolaýshylarǵa kómektesken avtoeriktiler marapattaldy
2023 jyldyń 29 jeltoqsany men 2024 jyldyń 2 qańtar aralyǵynda Qaraǵandy oblysynda aýa raıy kúrt ózgerip, aqtútek boran bastalǵaly kólik aǵynyna shekteý qoıylyp, Polıtsııa departamenti respýblıkalyq mańyzy bar avtojoldarǵa beketter qoıǵany belgili.
Bes kún ishinde jolda qalǵan 18 myń avtokólik jaqyn mańdaǵy eldi-mekenderge jetkizildi. Tek Astana qalasyna qaraı baǵytta 4 myńnan astam, ıaǵnı qoǵamdyq, júk jáne jeńil kólikter jınalyp qaldy. Olardyń ishinde 7 myńnan azamat jolda qaldy, onyń 800-i bala.
Tártip saqshylary memlekettik organ qyzmetkerlerimen birlesip, 500 adamdy, onyń ishinde 80 balany evokýatsııalap, jyly oryndarǵa jetkizip, ystyq tamaqpen qamtamasyz etti.
Aıta ketý kerek, osyndaı jumystar kezinde polıtsııaǵa kómek qolyn sozǵan avtoeriktiler de ózderiniń jol talǵamaıtyn kólikterimen jolda qalǵandardy qutqarýǵa kómektesti.
3 qańtar kúni Qaraǵandy oblystyq Polıtsııa departamentiniń bastyǵy Sanjar Ádilov olardy Polıtsııa departamentine shaqyryp, arnaıy syı-qurmet kórsetti.
«Jańa jyl qarsańynda aýa raıynyń kúrt nasharlaýynan joldaǵy qozǵalys qıyndap, birneshe adam dittegen jerine jete almaı qaldy. Sol kezde bizdiń tártip saqshylaryna avtoeriktiler kómek qolyn sozyp, ózderiniń azamattyq boryshyn adal oryndady. Sondyqtan búgin olardy departamentke shaqyryp, marapattaǵaly otyrmyn. Barsha eriktilerge alǵys bildiremin. Qoǵam tynyshtyǵy jolynda atqaryp jatqan ólsheýsiz eńbekterińiz eshqashan elenbeı qalmaıdy», – dedi Sanjar Ádilov.
Polıtsııa departamenti bastyǵynyń buıryǵymen 3 azamatqa Qazaqstan Respýblıkasy Іshki ister mınıstrliginiń nyshany bar qol saǵat tabystalsa, 7 adamǵa Polıtsııa departamenti bastyǵynyń alǵys haty berildi. Eńbekterin elep, qurmet kórsetken departament basshylyǵyna avtoeriktiler de alǵysyn bildirdi.