Qar kóshkininiń aldyn alý: ShQO-da jol jabylady
22:32, 13 Qańtar 2025
<p>ÓSKEMEN. KAZINFORM – Shyǵys Qazaqstan oblysyndaǵy tasjoldardyń biri kóliktiń barlyq túri úshin jabylady.</p>
Oblysta jasandy jolmen qar kóshkini túsirilmek. Soǵan baılanysty tasjoldardyń birinde kólik qozǵalysyna tyıym salynady.
— 14 qańtarda saǵat 11-00-den bastap oblystyq mańyzy bar «Óskemen-Samar» tasjolynyń 95-102 shaqyrymy jabylady. Kólik júrgizýshilerinen túsinistik tanytyp, óz baǵyttaryn aldyn ala josparlap alýdy suraımyz, — dep habarlady ShQO Tótenshe jaǵdaılar departamentiniń baspasóz qyzmetinen.
Aıta keteıik, qańtar aıynyń basynda oblystaǵy qardyń bıiktigi normadan 25%-ǵa artyq boldy. Keı jerlerde qar jamylǵysynyń maksımaldy bıiktigi — 120 sm.
Eske salsaq, osyǵan deıin Shyǵys Qazaqstanda qar kóshkini túsirilgeni habarlanǵan.