Qar kóshkini: Almaty taýlarynda blokpostar qoıyldy

<p>ALMATY. KAZINFORM &mdash; Almaty taýlarynda qar kóshkini qaýpi saqtalady. Osyǵan baılanysty blokpostar qoıyldy.</p>

«Adam ómirine qaýipti aımaqtarǵa, ıaǵnı „Kosmostantsııa“ avtojolyndaǵy Aıýsaı bógetinen joǵary jáne „Shymbulaq — Tuıyqsý muzdyǵy“ tasjolyndaǵy Edelveıs kóshkin jınaý aýdanynda blokpostar ornatyldy. Kóshkin qaýpi kezeńiniń basynan beri adamdar ótpeıtin aýmaqtarda jalpy kólemi 27 myń tekshe metrden asatyn 23 qar kóshkini boldy. Abyroı bolǵanda zardap shekken adam joq», — dep habarlady Almaty qalalyq tótenshe jaǵdaılar departamentiniń baspasóz qyzmeti.

Foto: Almaty TJD

Sonymen qatar úsh márte profılaktıkalyq maqsatta qar kóshkini júrgizildi.

Jarylǵysh ádispen 7 myń tekshe metrden astam qar massasy túsirildi.

Qutqarýshylar qala turǵyndary men qonaqtaryn taýǵa barýdan bas tartýǵa shaqyrdy.