Qar kóshkini kezinde sarbazdardyń qaza tabýyn Qorǵanys mınıstri basqaratyn komıssııa tekseredi
20:52, 17 Aqpan 2017
ASTANA. QazAqparat - Búgin, 17 aqpanda Jambyl oblysyndaǵy Kóksaı shatqalynda ótip jatqan 91678 áskerı bólimi áskerı qyzmetshileriniń jaýyngerlik daıyndyǵy boıynsha josparly sabaǵy barysynda kútpegen jerden qar kóshkini oryn aldy. Jaýyngerlik daıyndyq sabaǵyna barlyǵy 23 adam qatysqan, delingen QR Qorǵanys mınıstrliginiń resmı habarlamasynda.
Qazirgi tańda Jambyl oblysy Kóksaı shatqalyndaǵy izdestirý-qutqarý jumystary aıaqtaldy, 7 áskerı qyzmetshi qaza tapty. Іzdestirý is-sharalaryna Qarýly kúshterdiń áskerı qyzmetshileri, Jambyl oblystyq TJD jedel jasaǵy, Shekara qyzmetiniń áskerı qyzmetshileri arnaıy tehnıkamen jumyldyryldy.
Qorǵanys mınıstrliginiń basshylyǵy qaza tapqandardyń otbasy men týystaryna qaıǵyryp kóńil aıtady.
QR Premer-mınıstriniń qaýlysyna sáıkes, Qorǵanys mınıstrliginiń basshylyǵymen komıssııa quryldy.