Qar, kóktaıǵaq, boran: 1 naýryzǵa arnalǵan aýa raıy boljamy
01:25, 01 Naýryz 2023
ASTANA. QazAqparat - Qazgıdromet sınoptıkteri 1 naýryz, sársenbige arnalǵan aýa raıy boljamyn usyndy, dep habarlaıdy QazAqparat.
Atlantıkalyq tsıklon Qazaqstan aýmaǵynyń basym bóliginde aýa raıyna yqpal etedi, osyǵan baılanysty jaýyn-shashyn (jańbyr, qar) jaýady, kóktaıǵaq bolady.
Elimizdiń soltústiginde jaıaý burqasyn saqtalady.
Tek elimizdiń ońtústigi, ońtústik-shyǵysy jáne shyǵysy atmosferalyq joǵary qysym aýmaǵynda bolǵandyqtan munda jaýyn-shashyn jaýmaıdy.
Qazaqstan boıynsha jel kúsheıip, tuman túsedi.