Qapshaǵaıǵa kógildir otyn keldi
Bul «Almaty oblysynyń 2007-2015 jyldardan 2020 jylǵa deıingi kezeńde keshendi gazdandyrý» baǵdarlamasy negizinde júzege asyrylyp jatqan joba. Memlekettik baǵdarlama aıasynda jasalyp otyrǵan ıgi is óńirdiń damýyna jańa serpin berip, halyqtyń hal-ahýalynyń jaqsarýyna yqpal etetini sózsiz ekenin Qapshaǵaı qalasynyń ákimi Talǵat Qaınarbekov atap ótti.
Jalpy, gaz qubyrynyń jobalyq ónimdiligi jylyna 400 mln tekshe metrdi quraıdy. Ol qalanyń 60 myń halqyn tabıǵı gazben qamtýǵa múmkindik beredi. Qazirgi kúni qalanyń 4, 5, 8, 10 yqsham aýdandaryna qubyr júrgizilip, úıler sol qubyrǵa qosyldy. Endi jyl sońyna deıin 18, 19 shaǵyn aýdandaryndaǵy jeke úıler men kóp qabatty páterler kógildir otynmen qamtylatyn bolady. Sondaı-aq, «Jan Іle» týrıstik oıyn-saýyq ortalyǵy, Zarechnyı, Arna eldi mekenderine de gaz jetkizý josparda bar.