Qapshaǵaıda sýǵa batyp bara jatqan 5 adam qutqaryldy

TALDYQORǴAN. QazAqparat - Qapshaǵaıda sýǵa batyp bara jatqan 5 adam qutqaryldy. Onyń bireýi jaǵalaýǵa es-tússiz halde jetkizilgen, dep habarlaıdy QazAqparat tilshisi.

«24 mamyr kúni saǵat 15.25-te Almaty oblysy TJD jedel-qutqarý jasaǵynyń qutqarýshylary Qapshaǵaı sý qoımasyn patrýldeý kezinde №6 qalalyq jaǵajaı mańynda sýǵa batyp bara jatqan bir top adamdy baıqap qalǵan. Jedel júrgizilgen qutqarý jumystarynyń nátıjesinde jaǵalaýǵa 2002-2004 jyldary týylǵan 5 jasóspirim jetkizildi. Onyń bireýi es-tússiz jaǵaǵa shyǵarylyp, alǵashqy kómek kórsetilgennen keıin esin jıdy. Ol jedel járdem qyzmetkerlerine tapsyryldy», - delingen Almaty oblystyq TJD baspasóz qyzmetiniń habarlamasynda.

Vedomstvonyń aqparatyna sáıkes, jastar Almaty qalasynan Qapshaǵaıǵa demalýǵa kelgen.