Qapshaǵaıda shildeden bastap jylý baǵasy 46 paıyzǵa arzandaıdy

QAPShAǴAI. QazAqparat - Almaty oblysynyń Qapshaǵaı qalasynda jylý tarıfi tómendetildi, dep habarlaıdy QazAqparat.

Tabıǵı monopolııalardy retteý komıtetiniń Almaty oblysy boıynsha departamenti «Qapshaǵaıjylý» MKK-nyń jylý energııasyn óndirý, berý, bólý jáne onymen jabdyqtaý qyzmetterine, 2020 jyldyń qorytyndysy boıynsha tarıftik smetasynyń oryndalýyna taldaý júrgizdi.

Taldaý nátıjesinde «Qapshaǵaıjylý» MKK-niń qaıta qarjylandyrý stavkasyn eskere otyryp, negizsiz tabys somasy 731 018 390 teńge kóleminde negizdelmegen paıda mólsheri anyqtaldy.

Osyǵan oraı Almaty oblysynyń TMRKD-nyń 2021 jylǵy 21 mamyryndaǵy №88-NQ buıryǵyna sáıkes, «Qapshaǵaıjylý» MKK-nyń úsh jylǵa 1 714,6 teńge/Gkal (QQS-syz) mólsherinde ýaqytsha ótemdik tarıf bekitildi (buryn qoldanystaǵy tarıf - 3 173,39 teńge/Gkal (QQS-syz).

ıAǵnı 1 shildeden bastap qoldanysqa engizile otyryp, tarıf 46% tómendedi.