Qapshaǵaıda 4 adam, Alakólde bir jasóspirim qutqaryldy - TJM

ASTANA. Qazaqparat - 4 adam Qapshaǵaı sý qoımasyna batyp kete jazdady. Olardy Almaty oblysy TJD Jedel-qutqarý jasaǵynyń qutqarýshylary qutqaryp qaldy, dep habarlaıdy QazAqparat atalǵan vedomstvonyń baspasóz qyzmetine silteme jasap.

Profılaktıkalyq patrýldeý kezinde Qapshaǵaı sý qoımasynyń qalalyq jaǵajaıynda jaǵadan 100 metr qashyqtyqta batyp bara jatqan adamdardy qutqarýshylar der ýaqytynda baıqady. Jedel júrgizilgen qutqarý jumystarynyń nátıjesinde 1984 jáne 1977 jyly týǵan 2 er adam jáne 1986 jáne 1995 jyly týǵan 2 áıel adam jaǵaǵa jetkizildi.

Qutqarylǵandarǵa medıtsınalyq kómek qajet bolmady.
Odan bólek, Alakól aýdanynyń Aqshı aýylynda «Kalıpso» demalys aımaǵynyń janynda Alakóldi patrýldeý kezinde eskertý qalqymalarynan asyp júzip ketken jasóspirim qutqarylyp, jaǵaǵa aman-esen jetkizildi.
Oǵan da medıtsınalyq kómek qajet bolmady.