Qapshaǵaı qalasyna jańa ákim taǵaıyndaldy

TALDYQORǴAN. QazAqparat - Búgin Talǵat Qanatuly Qaınarbekov Qapshaǵaı qalasynyń ákimi bolyp taǵaıyndaldy, - dep habarlaıdy QazAqparat tilshisi.

Ol buǵan deıin 2013 jyldyń maýsymynan bastap Tekeli qalasynyń ákimi qyzmetin atqardy.

Talǵat Qanatuly Qaınarbekov 1969 jyly týǵan. Abaı atyndaǵy Almaty memlekettik ýnıversıtetin, І. Jansúgirov atyndaǵy Jetisý memlekettik ýnıversıtetin, Qazaqstan Respýblıkasy Prezıdenti janyndaǵy Memlekettik basqarý akademııasyn bitirgen. Mamandyǵy - tarıh jáne qosymsha memlekettik quqyq pániniń oqytýshysy, ekonomıst, memlekettik jáne jergilikti basqarý magıstri.

Eńbek jolyn Taldyqorǵan aýdany Kókózek aýylyndaǵy orta mektepte muǵalim bolyp bastady. Keıin «Eldorado» JShS menedjeri, Taldyqorǵan qalasy ákimi apparatynyń ónerkásip, kólik jáne baılanys bóliminiń bastyǵy, Kóksý aýdany jáne Taldyqorǵan qalasy ákimderiniń orynbasary qyzmetterin atqardy.

Esterińizge sala keteıik, Qapshaǵaıdyń burynǵy ákimi Sátjan Qıqymov qala turǵynyna daýys kótere sóılep, basy bálege qalǵan bolatyn. Osy jaıttan keıin ol óz erkimen jumystan ketken edi.