Qapshaǵaı qalasyn qaıta ataý máselesi pysyqtalýda - Qýantyrov

NUR-SULTAN. QazAqparat – Úkimet otyrysynda QR Ulttyq ekonomıka mınıstri Álibek Qýantyrov Qapshaǵaı qalasyn qaıta ataý máselesi pysyqtalyp jatqanyn málim etti, dep habarlaıdy QazAqparat tilshisi.

«Memleket basshysy «Jańa Qazaqstan: Jańarý men jańǵyrý joly» atty Qazaqstan halqyna joldaýy sheńberinde eldiń saıası júıesi men ákimshilik-aýmaqtyq qurylymyn ózgertý boıynsha naqty mindetter qoıdy.

Bul memlekettik qurylystyń jańa kezeńiniń bastalýyn bildiredi.

Memleket basshysy usynǵan bastamalar elimizde jańa saıası mádenıetti qalyptastyrýǵa baǵyttalǵan reformalardyń muqııat zerdelengen baǵdarlamasy bolyp tabylady.

Atap aıtqanda, elimizdiń Konstıtýtsııasyna 30-dan astam ózgerister men tolyqtyrýlar engiziledi, sondaı-aq jyl sońyna deıin 20-dan astam zań qabyldanady», - degen mınıstr Joldaýdy iske asyrý jónindegi jalpyulttyq is-sharalar josparynyń jobasy ázirlengenin atap ótti.

Aıtýynsha, Memleket basshysynyń tapsyrmalaryn iske asyrý maqsatynda Ulttyq ekonomıka mınıstrligi negizgi 3 baǵyt boıynsha jumys júrgizedi. Olar:

1. Eldiń ákimshilik-aýmaqtyq qurylymyn jetildirý;

2. Jergilikti ózin-ózi basqarýdy ortalyqsyzdandyrý;

3. Daǵdarysqa qarsy kezek kúttirmeıtin sharalar.

«Abaı, Jetisý jáne Ulytaý oblystaryn qurý kózdelýde jáne halyqtyń pikirin eskere otyryp, Qapshaǵaı qalasyn qaıta ataý máselesi pysyqtalýda», - dedi Álibek Qýantyrov.