Qanysh Sátpaev eskertkishi granıt syntastar kompozıtsııamen tolyqty
Shara «Halyqaralyq Sátbaev qorynyń» qamqorshylar keńesiniń uıymtqy bolýymen ótti. Syntastardyń ashylýyna ǵulama ǵalymnyń urpaqtary, L.Gýmelev atyndaǵy Eýrazııa ulttyq ýnıversıtetiniń stýdentteri men №61 mekteptiń oqýshylary, QR Parlamenti Senatynyń depýtattary, Astana qalalyq máslıhaty men qalalyq ákimdik ókilderi qatysty.
«HH ǵasyrdyń ǵulamasy atanǵan Qanysh Sáptaev eskertkishiniń janynda qazaq eliniń bilimi men ǵylymyn, ádebıeti men mádenıetin úlken bir bıik beleske kótergen ǵulamalardyń sózderin eskertkishtiń janyna tórt granıt tas ornatyp, betine qashap jazdyq.
Qanysh Imantaıulynyń eskertkishi byltyr 3 shilde kúni ashylǵanyn bilesizder. Pandemııaǵa baılanysty ashylý saltanatyn keń kólemde ótkizýge shekteý boldy. Sol kezde tolyǵynan ashylmaǵan eskertkishti tolyqqandy keshen etý úshin mańaıyn maǵynaly sózder jazylǵan granıt tastarmen kómkermekshimiz. Búgin qoıylǵan 4 tastyń birinshisine Qanysh Imantulynyń óz sózi, zańǵar ǵulamalar Muhtar Áýezov, Álkeı Marǵulan, Shapyq Shókınniń sózderi, memleket jáne qoǵam qaıratkerleri Nurtas Ońdasynov, akademıkter Evneı Bóketov, Ómirbek Joldasbekov sózderi, tórtinshisine aqyn-jazýshylar Kákimbek Salyqov, Medeý Sárseke, Nesipbek Aıtulynyń jalyndy sózderi men óleń mátinderi jazylǵan.
Sonymen qatar, memleket jáne qoǵam qaıratkeri Nurtas Ońdasynovtyń, uly ǵalym, Qanyshtyń shákirti Ebineı Bóketovtiń jáne memleket qaıratkeri Ómirbek Joldasbekovtiń sózderi jazylǵan tastar da ornatylady, -dedi QR Parlamenti Senatynyń depýtaty, «Halyqaralyq Sátbaev qorynyń» qamqorshylar keńesiniń tóraǵasy Altynbek Nuhuly syntastardyń ashylý saltanatynda.
Sondaı-aq, Qanyshtyń úlken murasyn nasıhattaý jolynda qyrýar jumys atqarǵan memleket jáne qoǵam qaıratkeri, aqyn Kákimbek Salyqovtyń, sátpaevtanýshy, ǵalymnyń ǵumyrnamasyn zertteýge ómiriniń 40 jylyn arnaǵan Medeý Sársekeniń, «Qanysh» poemasynyń avtory Nesipbek Aıtulynyń sózderin de tasqa qashap jazý kózdelip otyrǵan kórinedi.
Senator Altynbek Nuhuly keleshekte eskertkishtiń aldynan úılesimdi sýburqaq ashylatynyn atap ótti.
Saltanatty sharaǵa jınalǵan halyqqa №61 mekteptiń oqýshylary ulttyq mýzyka týyndylaryn oryndap,shaǵyn kontsert usyndy.