Kanvon Olımpıadasynyń júldegerleri qansha syıaqy alady

<p>ASTANA. KAZINFORM &ndash; Ońtústik Koreıanyń Kanvon qalasynda ótken IV qysqy jasóspirimder Olımpıadasynyń jeńimpazdary men júldegerlerine memlekettik syıaqy beriledi.&nbsp;</p>

Bul týraly KAZINFORM tilshisine Kanvon-2024 mıssııasynyń jetekshisi, Qazaqstan UOK sport departamentiniń basshysy Elsııar Qanaǵatov aıtyp berdi.

«Elimizde kez kelgen álemdik dodalarda top jarǵan sportshylarǵa naqtyly belgilengen qarjylaı syıaqy bar. Jasóspirimder arasyndaǵy Olımpıada oıyndarynyń jeńimpazdary men júldegerleri de memlekettik syıaqydan qur qalmaıdy», - dep atap ótti ol.

Sonymen qatar júldeli oryndarǵa qol jetkizgen sportshylardyń jattyqtyrýshylaryna da syıaqy qarastyrylǵanyn jetkizdi.

«Chempıon bolǵan sportshyǵa 10 myń AQSh dollary, bapkerine 5 myń AQSh dollary, ekinshi oryn alǵan júldegerge 5 myń, bapkerine 3 myń AQSh dollary beriledi. Al úzdik úshtikten kóringen sportshylarymyz 3 myń AQSh dollaryn ıelense, bapkerine 2 myń dollar beriledi», - dep naqtylady UOK sport departamentiniń basshysy Elsııar Qanaǵatov.

Sonymen qatar jeńimpaz sportshylarǵa árbir federatsııalar, árbir jergilikti ákimdikter ózderi qandaı qurmet kórsetse de eshqandaı kedergi joq ekenin de eske saldy.

Aıta keteıik, Kanvon Olımpıadasynda Qazaqstan quramasy 1 altyn, 2 qola medalmen jalpy komandalyq esepte 20-orynǵa qol jetkizdi.

Tuńǵysh altyn medaldi shańǵymen tuǵyrdan sekirýden Qazaqstan komandasynyń múshesi Ilıa Mızernyh jeńip alsa, qola medaldiń birin short-trekten 1 000 metr qashyqtyqta synǵa túsken sportshylarymyz Polına Omelchýk qanjyǵasyna baılady. Al ekinshi qola júldeni Qazaqstan qorjynyna hokkeıshilerimiz saldy.