Kanvon Olımpıadasyna qatysqan sportshylarymyzdyń sońǵy legi elge oraldy

<p>ASTANA. KAZINFORM &ndash; Ońtústik Koreıanyń Kanvon qalasynda ótken IV qysqy jasóspirimder Olımpıadasyna qatysqan sportshylarymyzdyń sońǵy legi elge oraldy.</p>

Cportshylardy Astana áýejaıynan elordalyqtar men týys-týǵan, dos-jarandary kútip aldy.

Qysqy jasóspirimder Olımpıadasy 19 qańtar-1 aqpan kúnderi aralyǵynda Ońtústik Koreıada ótti. 

Foto: Týrızm jáne sport mınıstrliginiń baspasóz qyzmeti

Atalǵan tórtjyldyq dodada qazaqstandyq sportshylar 1 altyn, 2 qola medal jeńip alyp, jalpy komandalyq esepte 20-orynǵa ıe boldy.

Jasóspirimder arasyndaǵy Qysqy Olımpıada oıyndarynyń tuńǵysh altyn medalin shańǵymen tuǵyrdan sekirýden Qazaqstan komandasynyń múshesi Ilıa Mızernyh jeńip alyp, esimin qazaq sportynyń tarıhyna altyn áriptermen jazyp qaldyrdy.

Al qola medaldiń birin short-trekten 1000 metr qashyqtyqta synǵa túsken sportshylarymyz arasynan Polına Omelchýk jeńip alsa, ekinshi qola medaldi Qazaqstan qorjynyna hokkeıshilerimiz saldy.

Kanvon provıntsııasynyń Kannyn qalasynda ótken dodada Qazaqstan jasóspirimder quramasy sapynda 41 sportshy 5 sport túrinen baq synap, 55 júlde jıyntyǵyn sarapqa saldy.

Atap aıtar bolsaq, bıatlon, kerlıng, konkımen júgirý, short-trek, shaıbaly hokkeı, shańǵy jarysy, shańǵymen tuǵyrdan sekirý, shańǵy qossaıysy, taý shańǵysy, frıstaıldan paralleldi mogýl boıynsha synǵa tústi.