Kanvon-2024: Short-trekten aralas komandalyq estafeta aıaqtaldy

<p>KANVON. KAZINFORM &ndash; Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda búgin shrt-trekshilerimiz &nbsp;komandalyq estafetany júldesiz aıaqtady.</p>

Short-trekten aralas komandalyq estafetada Ulttyq qurama jarysty tolyǵymen aıaqtaı alǵan joq. Jartylaı fınaldaǵy jarysta Erasyl Shyńǵyshan qulap, komanda jarystan shyǵyp qaldy.

Bul synda bas júldeni Qytaı sportshylary qanjyǵasyna baılasa, ekinshi oryndy AQSh-tan kelgen sportshylar jeńip aldy. Úzdik úshtikti Japonııanyń short-trekshileri enshiledi.

Aıta keteıik, Qazaqstan short-trekten tolyq quram (2 ul, 2 qyz) qosqan 9 komandanyń biri boldy.

Esterińizge sala keteıik, Danabek Haırov baptaıtyn short-trekshilerdiń enshisinde ázirge 1 qola medal bar. Ony 1 000 metr qashyqtyqqa júgiýrden Polına Omelchýk jeńip alǵan bolatyn.

Esterińizge sala keteıik, Olımpıada oıyndarynyń alaýy 19 qańtar kúni tutandy. Kanvon provıntsııasynyń Kannyn qalasynda ótip jatqan jyldyń basty jarysyna Qazaqstan jasóspirimder quramasy sapynda 41 sportshy 5 sport túrinen baq synap, 55 júlde jıyntyǵyn sarapqa salýda. Atap aıtar bolsaq, bıatlon, kerlıng, konkımen júgirý, short-trek, shaıbaly hokkeı, shańǵy jarysy, shańǵymen tuǵyrdan sekirý, shańǵy qossaıysy, taý shańǵysy, frıstaıldan paralleldi mogýl boıynsha synǵa túsip jatyr.

Kanvondaǵy qysqy jasóspirimder Olımpıadasy 1 aqpan kúni máresine jetedi.