Kanvon-2024: Shańǵymen tuǵyrdan sekiretin sportshylar jarysty 13 orynmen aıaqtady
14:09, 21 Qańtar 2024
<p>ASTANA. KAZINFORM – Búgin Ońtústik Koreıanyń Kanvon qalasynda IV qysqy jasóspirimder Olımpıadasynda shańǵymen tuǵyrdan sekirýshi Qazaqstan quramasynyń sportshylary jarysty aıaqtady.</p>
Shańǵymen tuǵyrdan sekirýden komandalyq estafetada Qazaqstan namysyn Olımpıada chempıony Ilıa Mızernyh, Ilıa Shılnıkov, Sofıa Shıshkına jáne Alena Svırıdenko qorǵady.
Nátıjesinde otandyq sportshylar jarysty 491,3 upaı enshilep, 13 orynmen aıaqtady.
Atalǵan dodada bas júldeni 893,7 upaımen Slovenııa jeńip alsa, 818,3 upaı enshilegen Norvegııa ekinshi orynǵa ıe boldy. Al úzdik úshtikti Aýstrııa (775 upaı) quramasy qanjyǵasyna baılady.
Shańǵymen tuǵyrdan sekirý jarysy boıynsha 2 kúnge jalǵasqan básekede 3 júlde jıyntyǵy sarapqa salynyp, Slovenııa - 2 altyn, Qazaqstan - 1 altyn ıelendi.