Kanvon-2024: Konkımen júgirýden úsh sportshymyz fınalda baq synaıdy

<p>KANVON. KAZINFORM — Búgin Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda konkımen júgirýden mass-start saıysynyń jartylaı fınaldyq kezeńinen úsh jerlesimiz súrinbeı ótti.</p>

Atalǵan básekede Rýslan Janádilov, Mıhaıl Matrıýhın, Krıstına Shýmekova men Alına Shýmekova qatysqan bolatyn.

Nátıjesinde qyzdar arasynda Alına Shýmekova 5- orynmen (5:59.81), Krıstına Shýmekova 7-orynmen (6:26.07), al, uldar arasynda Rýslan Janádilov 8-orynmen (5:36.59) jartylaı fınaldyq kezeńge joldama aldy.

Ókinishke qaraı Mıhaıl Matrıýhın 9-orynmen (6:22.65) jartylaı fınaldyq kezeńge ótpeı qaldy.

Endi sanaýly ýaqyttan keıin fınaldyq kezeń oıyndary bastalady.

Esterińizge sala keteıik, Olımpıada oıyndarynyń alaýy 19 qańtar kúni tutandy.

Kanvon provıntsııasynyń Kannyn qalasynda ótetin jyldyń basty jarysynda Qazaqstan jasóspirimder quramasy sapynda 41 sportshy 5 sport túrinen baq synap jatyr.

Kanvondaǵy qysqy jasóspirimder Olımpıadasy 1 aqpan kúni máresine jetedi.

Atalǵan jarysta álemniń 80-ge jýyq elinen 1 800 sportshy 7 sport túrinen (15 dıstsıplına) 81 medal jıyntyǵyn sarapqa salýda.