Kanvon-2024: Qazaqstandyq konkıshi Olımpıadany 11-orynmen aıaqtady

<p>ASTANA. KAZINFORM &ndash; Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda búgin konkımen syrǵanaýdan qyzdar jáne uldar arasynda qysqy jasóspirimder Olımpıadasynyń sońǵy júlde jıyntyǵy sarapqa salyndy.</p>

Konkımen syrǵanaýdan jerlesterimiz Olımpıadadaǵy barlyq qashyqtyqtaǵy saıystardy aıaqtady.

Qyzdar arasyndaǵy mass-start saıysynyń fınaldyq kezeńine ápkeli-sińlili Krıstına Shýmekova men Alına Shýmekova qatysqan bolatyn. Ókinishke qaraı, fınaldyq kezeńde 3-orynda kele jatqan Alına Shýmekova ózge sportshymen qaqtyǵysyp qalyp, júldeden tys qaldy. Al Krıstına Shýmekova jarysty 12-orynmen aıaqtady.

Erler arasynda fınaldyq synda júldege talasqan jalǵyz jerlesimiz Rýslan Janádilov Olımpıadany 11-orynmen aıaqtady.

Jarys qorytyndysy qyzdar arasynda:

1-oryn - Nıderlandy - Angel Daleman (Olımpıadada 3 dúrkin chempıon atandy)
2-oryn - Nıderlandy - Jasmıjn Vınhýıs
3-oryn – Qytaı - ıÝnjı Lýı
12-oryn – Qazaqstan - Krıstına Shýmekova — 5:58.38

Uldar arasynda:

1-oryn - Germanııa - Fınn Sonnekalb (3 dúrkin Olımpıada chempıony atandy)
2-oryn Qytaı - Baoshýo Pan
3-oryn – Norvegııa - Eırık Andersen
11-oryn – Qazaqstan - Rýslan Janádilov — 5:31.80

Esterińizge sala keteıik, Ońtústik Koreıadaǵy jasóspirimder Olımpıadasynda Qazaqstan namysyn sporttyń 5 túrinen 10 dıstsıplına boıynsha 41 sportshy qorǵap jatyr.

Atap aıtar bolsaq, bıatlon, kerlıng, konkımen syrǵanaý, short-trek, shaıbaly hokkeı, shańǵy jarysy, shańǵymen tuǵyrdan sekirý, shańǵy qossaıysy, taý shańǵysy, frıstaıldan paralleldi mogýl boıynsha baq synaýda.

Kanvon qysqy jasóspirimder Olımpıadasynyń alaýy 19 qańtar kúni tutandy. Doda 1 aqpanda máresine jetedi. Atalǵan jarysqa álemniń 80-ge jýyq elinen 1 800-deı sportshy qatysýda. 7 sport túrinen (15 dıstsıplına) 81 medal jıyntyǵy sarapqa salynýda.