Kanvon-2024: Qazaqstandyq atletter Olımpıadaǵa qashan attanady

<p>15 qańtar kúni Astanadaǵy Jaqsylyq Úshkempirov atyndaǵy Jekpe-jek saraıynda Kanvon-2024 IV qysqy jasóspirimder Olımpıadasyna qatysatyn sportshylardy saltanatty shyǵaryp salý rásimi ótedi, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

QR TSM Sport jáne dene shynyqtyrý isteri komıteti málim etkendeı, shara barysynda konkımen júgirý sportynyń ókili Krıstına Shýmekova men short-trekshi Erasyl Shyńǵyshanǵa Kók týymyz tabystalyp, sportshylar ant beredi. Tabystalǵan týdy Jasóspirimder Olımpıadasynyń ashylý saltanatynda ustap shyǵady.

Jıynǵa QR Týrızm jáne sport mınıstri, Ulttyq Olımpıada komıtetiniń basshylary, sport ardagerleri men Olımpıada oıyndarynyń júldegerleri qatysady.

Azııa qurlyǵy alǵash ret qabyldaıtyn jastar oıyndaryna Qazaqstan 10 baǵdarlamada 42 sportshy aparady. Al delegatsııa sapynda resmı ókilder, bapkerler, dárigerler men BAQ ókilderin qosqanda 80-nen astam adam bolady.

Barlyǵy báseke kezinde 79 memleketten jınalǵan 1900-ge jýyq atlet kúsh synasady dep josparlanǵan.