Kanvondo - 2024: Qazaqstan quramasy Olımpıadaǵa qaıda daıyndalyp jatyr
Shańǵymen tuǵyrdan sekirýden Qazaqstan komandasy qazirgi tańda Almaty qalasynda jattyǵýyn jalǵastyryp jatsa, hokkeıden Qazaqstan jasóspirimder komandasy Kanvondaǵy qysqy oıyndarǵa daıyndyqty Astanadaǵy «Barys Arena» stadıonynda jattyǵýda. Al bıatlonnan IV-qysqy jasóspirimder Olımpıadasyna qatysatyn sportshylarymyz Aqmola oblysy, Shýchınsk qalasyndaǵy qysqy Olımpıadalyq daıarlaý ortalyǵynda oqý-jattyǵý jıynyn ótkizip jatyr.
Taý shańǵysynan Qazaqstan komandasynyń jattyqtyrýshysy Mark Shparberg Kanvondaǵy jasóspirimder Olımpıadasyna qatysatyn sportshylardy Italııada jattyqtyryp jatqany belgili boldy.
Ol BAQ ókilderine bergen suhbatynda:
«Byltyr biz sportshylardy Italııaǵa jiberý týraly jobany qolǵa aldyq. Aleksandra Skorohodova sol jaqta turaqtap, halyqaralyq komanda quramynda daıyndalýda. Kezinde men de sol jerde jattyqqanmyn. Kanvondaǵy jasóspirimder Olımpıadasyna qatysatyn sportshylardy biz úzdik nátıjeleri boıynsha tańdap aldyq. Ádiletti tańdaý jasaǵanymyzǵa senimdimin», - dedi bapker.
Esterińizge sala keteıik, Ońtústik Koreıadaǵy jasóspirimder Olımpıadasynda Qazaqstan namysyn sporttyń 5 túri men 10 dıstsıplına boıynsha 42 sportshy qorǵaıdy.
Atap aıtar bolsaq, bıatlon, kerlıng, konkımen júgirý, short-trek, shaıbaly hokkeı, shańǵy jarysy, shańǵymen tuǵyrdan sekirý, shańǵy qossaıysy, taý shańǵysy, frıstaıldan paralleldi mogýl boıynsha baq synaıdy.
Kanvondaǵy qysqy jasóspirimder Olımpıadasy 19 qańtar men 1 aqpan aralyǵynda ótedi. Atalǵan jarysqa álemniń 50 memleketinen 1 800 sportshy qatysady. 7 sport túrinen (15 dıstsıplına) 81 medal jıyntyǵy sarapqa salynady.
Olımpıadanyń ashylý saltanatynda Qazaqstan týyn konkımen júgirýden Petropavldan ulttyq quramanyń múshesi Krıstına Shýmekova men oraldyq short-trekshi Erasyl Shyńǵyshan alyp shyǵady.