Kanvon-2024: Qazaqstan quramasy medaldar kestesinde 18-orynǵa syrǵydy

<p>KANVON. KAZINFORM &mdash; Ońtústik Koreıanyń Kanvon qalasynda ótip jatqan jasóspirimder Olımpıadasynyń onynshy kúni Qazaqstan quramasy jalpykomandalyq esepte 18-orynǵa syrǵydy.</p>

Qazaqstan quramasy ázirge 1 altyn, 2 qola medalmen jalpy medaldar kestesinde Chehııa jáne Polsha quramalarymen birge 18-oryndy ózara bólisip tur.

Al, jalpykomandalyq esepte ázirge Italııa quramasyna teń keler eshkim bolmaı tur. Búgin olar altyn medal synyn 11-ge jetkizdi. Osylaısha 11 altyn, 3 kúmis, 3 qolamen ıtalııalyqtar jeke dara kósh bastap keledi.

Al ekinshi orynda 7 altyn, 4 kúmis, 5 qola medalmen Germanııa quramasy kele jatsa, úzdik úshtikti 6 altyn, 3 kúmis, 4 qola medalmen Frantsııa quramasy túıindep tur.

Medaldar kestesindegi alǵashqy ondyqqa engen elder:
1. Italııa — 11 altyn, 3 kúmis, 3 qola (17)
2. Germanııa — 7 altyn, 4 kúmis, 5 qola (16)
3. Frantsııa — 6 altyn, 3 kúmis, 4 qola (13)
4. Qytaı — 5 altyn, 8 kúmis, 3 qola (16)
5. Avstrııa — 5 altyn, 6 kúmis, 5 qola (16)
6. Ońtústik Koreıa — 5 altyn, 5 kúmis, 4 qola (14)
7. AQSh — 4 altyn, 8 kúmis, 3 qola (15)
8. Shvetsııa — 3 altyn, 4 kúmis, 3 qola (10)
9. Kanada — 3 altyn, 2 kúmis (5)
10. Nıderland — 3 altyn 1 kúmis, 1 qola (5)