Kanvon-2024: Qazaqstan hokkeıshileri Ispanııany qapy qaldyrdy

<p>KANVON. KAZINFORM &ndash; Ońtústik Koreıanyń Kanvondo qalasynda ótip jatqan IV qysqy jasóspirimder Olımpıadasynda qazaqstandyq hokkeıshiler úshinshi jeńisine qol jetkizdi.</p>

Otandastarymyz altynshy oıynynda Ispanııadan kelgen qarsylastaryn 14:4 esebimen aıqyn basymdylyqpen utty.

Endi toptaǵy sońǵy bir oıyn qaldy. Jerlesterimiz búgin tústen keıingi 14:30 da Ulybrıtanııaǵa qarsy synǵa túsedi.

Esterińizge sala keteıik, qazaqstandyq hokkeıshiler Olımpıadanyń alǵashqy oıynynda Polshany 18:8 (3:2, 5:4, 10:2) esebimen jeńgenin jazǵan edik.

Al keshe jerlesterimiz Taıbeıden kelgen qarsylastaryn 14:2 esebimen qapy qaldyrdy.

Alaıda, jarystyń ekinshi kúni Avstrııadan 8-9 esebimen utylsa, Latvııadan 11-15 esebimen jeńilip qaldy.

Olımpıadanyń úshinshi kúni danııalyq quramaǵa qarsy matchta qarsylastaryna 8:6 esebimen jol berdi.

Hokkeıden Qazaqstan quramasynda el namysyn myna sportshylar qorǵap jatyr.
1. Arsenıı Kýchkovskıı
2. Nıkıta Kýlakov
3. Temirlan Aıboluly
4. Matveı Reshetko
5. Rasýl Týrsynov
6. Jahanger Tleýhan
7. Taır Bıgarınov
8. Roman Mıchýrov
9. Egor Kravchenko
10. Ádilhan Sattar
11. Beksultan Maqysh
12. Arman Tólen
13. Anýar Ahmetjanov.