Qantty paıdalaný normasy eki esege deıin qysqartyldy
20:06, 06 Naýryz 2014
ASTANA. QazAqparat - Dúnıejúzilik densaýlyq saqtaý uıymy qantty paıdalaný normasyn eki esege qysqartý boıynsha óziniń usynystaryn jasady.
Uıym ókilderiniń aıtýynsha, bul óz kezeginde adam densaýlyǵy úshin táýekelderdiń altyn alýǵa múkindik beredi.
Jańa usynystarǵa sáıkes, paıdalanylatyn kolorııada táýligine qantty tutyný kólemi 5 paıyzǵa deıin shekteldi. Bul norma kúnine shamamen alty sháı qasyq kólemine sáıkes kelip otyr.
DDSU-nyń málimdemesine qaraǵanda, qant adamdardyń tis jegisi men jahandyq semizdik epıdemııasynyń negizgi sebepshisi. Bul turǵyda semizdik problemasy álemde jarty mıllıardqa deıingi adamǵa qatysty bolýda jáne osy kórsetkish, ásirese damýshy elderde ósip keledi.