Qanttyń qymbattaýyna negiz joq - Arman Shaqqalıev

<p>Saýda jáne ıntegratsııa mınıstri Arman Shaqqalıev eldegi qant tapshylyǵy týraly qaýesetke qatysty túsinik berdi, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

«Jyl basynan beri qant baǵasynyń 11%-ǵa tómendegenin baıqap otyrmyz. Qant tapshylyǵy joq jáne bolmaıdy. Árıne, byltyr bul tóńirekte másele týyndady. Osyǵan baılanysty qant zaýyttaryn qoldaý baǵdarlamasy qabyldandy. Búginde 4 zaýyt 70 myń tonnaǵa jýyq qant óndirdi. Qazaqstanǵa Reseıden qant ákelinip jatyr. Sondyqtan jalpy naryqtaǵy jaǵdaı teńdestirilgen. Qanttyń qymbattaýyna negiz joq», - dep jaýap qatty Arman Shaqqalıev BAQ ókilderiniń saýalyna oraı.

Qosa ketsek, osy brıfıngide sóz alǵan Saýda komıtetiniń tóraǵasy Aıdar Ábildabekov keıbir óńirlerdegi kásipkerler bıdaıdy qymbat baǵamen satyp jatqanyn aıtty. Onyń deregine saı, Básekelestikti qorǵaý jáne damytý agenttigi astyq qunyn negizsiz kótergenderge tergeý júrgizedi.