Qańtardan bastap balabaqsha tárbıeshileriniń jalaqysy 25 paıyzǵa ósedi – Ashat Aımaǵambetov

TÚRKІSTAN. QazAqparat - Qańtardan bastap balabaqsha tárbıshileriniń jalaqysy 25 paıyzǵa ósedi. Bul týraly oqý-aǵartý mınıstri Ashat Aımaǵambetov Túrkistan oblysynyń turǵyndarymen kezdesýde aıtty, dep habarlaıdy QazAqparat tilshisi.

Mınıstr jaqyn arada memlekettik tapsyrys alyp otyrǵan balabaqshalarǵa talap kúsheıetinin málim etti. ıAǵnı, sanıtarlyq jáne órtke qarsy talaptardy saqtaý, beınebaqylaýdyń bolýy, balalarmen jumys isteıtin mamandardyń bilimdi, bilikti bolýy shart. Sondaı-aq, qyzmetkerlerdiń tıptik shtattardaǵy statýsqa sáıkes bolýy qajet.

«Keıbir faktilerdi qarap analız jasaıtyn bolsaq, keı balabaqshalar 40-50 balany bir topqa jınap qoıyp jumys isteıdi eken. Ol qandaı myqty tárbıeshi bolsa da, 5-6 kúnnen keıin qıyn jaǵdaıǵa ushyraıdy. Al, memlekettik balabaqshalarda túske deıin bir, tústen keıin bir tárbıeshi bar. Toptardaǵy bala sany 25 – ten aspaıdy. Bul bostan bosqa jasalmaǵan. Mine, osyndaı qajetti, mańyzdy, ǵylymmen dáleldengen sheshimderdi qabyldap, engizemiz» - dedi mınıstr.

Sondaı-aq, Ashat Aımaǵambetov qańtar aıynan bastap balabaqsha tárbıeshileriniń jalaqysy 25 paıyzǵa ósetinin aıtty.

«Jalaqy boıynsha qosymsha máselelerdi qarastyryp jatyrmyz. Zertteýler balabaqshada balalardyń bolashaǵy qalyptasatyndyǵyn kórsetip otyr. Sondyqtan balabaqshadan bastap sapaly bilim, sapaly tárbıe bersek, mektepte de, kolledjde de jaqsy kórsetkishke qol jetkizedi» - dedi mınıstr.