Qańtardaǵy tártipsizdikter barysynda saıası ekstremızm belgileri anyqtalǵan

NUR-SULTAN. QazAqparat – Almatyda qylmystyq baǵyttaǵy destrýktıvti dinı aǵymnyń bir top múshesi ustaldy. Bul týraly QR Bas prokýratýrasy Arnaıy prokýrorlar qyzmetiniń bastyǵy Rızabek Ojarov aıtty, dep habarlaıdy QazAqparat tilshisi.

«Erekshe atap ótetin jaıt, ol – saıası ekstremızmniń aıqyn belgileriniń anyqtalýy. Beıbit aktsııaǵa qatysýshylardyń talaptary memleket tarapynan oryndalsa da, arańdatýshylar ádeıi janjal shyǵaryp, ony ýshyqtyryp, saıası talaptar qoıa bastaǵan. Olardyń túkpi maqsaty bılikti qarýmen kúshtep basyp alý bolǵan. Tipti, «qoǵam» jáne «azamattyq belsendiler» dep sanalatyndar da narazylyqtardyń bastapqy kezeńin paıdalanyp, tizgindi ózderý alýǵa tyrysqan. Bul rette tyıym salynǵan «QDT/Kóshe» atty ekstremıstik uıymynyń músheleri jappaı tártipsizdikterge belsene ıtermelegen», - dedi Rızabek Ojarov Ortalyq kommýnıkatsııalar qyzmetindegi brıfıng barysynda.

Onyń atap ótýinshe, ustalǵandar arasynda tyıym salynǵan ekstremıstik aǵymdardyń 35 múshesi anyqtalǵan.

«Almatyda qylmystyq baǵyttaǵy destrýktıvti dinı aǵymnyń bir top múshesi ustaldy. Olardy ustaý kezinde qoldanýǵa daıyn bolǵan qarý-jaraq tárkilendi. Olar óz tobynyń áreketterin úılestirip otyrǵan. Bul rette olardyń bir bóligi alańda júrse, ekinshisi qalanyń tómengi jaǵynda barrıkadalarda bolǵan», - dedi Bas prokýratýra ókili.