Qańtardaǵy azaptaýǵa qatysty 17 polıtseı men 12 UQK qyzmetkeri jaýapkershilikke tartylady

ASTANA. QazAqparat – Bas prokýrordyń orynbasary Áset Shyndalıev qańtar oqıǵasy kezinde azaptaýǵa qatysty jaýapkershilikke tartylyp jatqan quqyq qorǵaý organdary qyzmetkerleri jaıynda aıtty, dep habarlaıdy QazAqparat tilshisi.

«Qazirgi kezde azaptaý boıynsha 11 is tergeý barysynda. Taǵy bes isti tergeý aıaqtaldy. Osy oraıda, 23 adamǵa jaza taǵaıyndaldy. Sonymen qatar, taǵy bir is sotta qaralyp jatyr. Jalpy, 29 adam azaptaýǵa qatysty qylmystyq jaýapkershilikke tartylady», - dedi Á. Shyndalıev Parlament Májilisindegi baspasóz máslıhatynda.

Sondaı-aq, ol atalǵan 29 adamnyń 17-si polıtsııa, qalǵan 12-si Ulttyq qaýipsizdik komıteti qyzmeteri ekenin naqtylady.

Áset Shyndalıevtiń aıtýynsha, raqymshylyqqa shamamen 1,5 myń adam iligedi. Olardyń basym bóligi – jappaı tártipsizdikke qatysqandar, urlyq jáne basqa qylmys jasaǵandar.

Budan buryn habarlanǵandaı, Májilistiń jalpy otyrysynda palata depýtattary «Raqymshylyq jasaý týraly» zań jobasyn maquldady.